MANILA, Philippines — Usa ka Pinay ang nakoronohan sa nahitabong ika-15 nga edisyon sa Miss Summer World 2018 didto sa Durres, Albania niadtong Mayo 20.
Si Kayce Coleen Lim, usa ka UK-based trainee lawyer mao ang labing unang Asyano nga mihupot sa maong titulo karon.
Human nga migradwar sa kurso nga Political Science dinhi sa nasud, gipadayon ni Kayce nga mopadayon sa programa sa Law didto sa BPP University Law School sa United Kingdom.
Wala damha ni Kayce nga sa iyang pag-istar sa maong nasud, makasalmot siya sa maong indigay.
Nipatigbabaw ang kaanyag ni Kayce human nga gikatigi ang 20 ka mga maanyag nga mga dalaga kinsa mao ang mibandera sa nagkalain-laing nasud.
Gawas sa dakong titulo, naangkon ni Kayce ang minor awards nga Best in National Costume ug Miss Summer Asia awards.