Deadma ang aktres

Hello! Domingo na usab ug saw-an na usab nato ang mga BisChika nga alang lang gyud kaninyo. Belated Happy Mother’s day sa akong Mama Bing2 nga bisan busy ko pero happy kaayo ko nga nakasaulog gihapon kami ni mama nako kauban akong mga tiya ug tiyo didto sa balay ni Tito Ely ug Tita Josephine Deldig sa Talisay.

Anaa usab ang akong mga ig-agaw, pag-umangkon nga bisan sa gamay nga oras nagka-bonding kami. Sa tinuod lang, triple celebration ang nahitabo, birthday sa akong lolo nga nipanaw na; birthday sa akong ig agaw nga successful na usab sa iyang career; ug Mother’s day! Usa kini ka memorable nga adlaw!

Sa unang higayon nakig-celebrate ko og National Norway Day sa Cordova Home Village pinaagi sa imbitasyon ni mam Liza ug sir Erick Hansen nga usa ka Norwegian. Basta May 17, mao kini ang ilang Norwegian Day. Ang maong selebrasyon mura  og Pasko, diin adunay performances, speeches ug lafangan. Gisugdan nila ang selebrasyon sa usa ka parade sa palibot sa resort, bitbit ang mga Norway flaglets, festive music ug ang ubang mga bisita naka-outfit in Norwegian way!

Sa wala pa ang party, naatol usab atong adlawa ang Norwegian confirmation sa anak nilang mam Liza ug sir Erik si Sofia Hansen (nga na-feature na usab nato sa Banat ) human nahimong Little Miss Asia Pacific 2017 didto sa Thailand. Pagkahuman sa Norwegian confirmation ni Sofia gisunod dayun ang lamian nga dinner, combination sa Pinoy ug Norwegian dishes. Busog Lusog ang peg.

** *

Sa laing bahin duna’y usa ka organizer ang nireklamo mahitungod sa mga kuyog sa usa ka aktres sa dihang nag-show kini sa usa ka mall. Kay ang Bischika sa Kinsa Siya Insider mao nga halos dili paduolan ang aktres,  in short daghang restrictions ug sa dihang ni-perform sa stage halos maboang og sininggit ang mga fans -- wala gyud kini nanaug para muduol nila! Wow sabaw! Kinsa Siyaa? Di ko sure kon nagpadayun pa ang iyang teleserye. Nakauyab og gwapo nga aktor apan nagbuwag. Produkto kini sa usa ka reality show!!!