BANATANAT: Nataypan ang Wildflower

Sanden: Hello mga Kabanatay nga kanunay gyud nga nag-atang sa atong segment matag Martes dinhi sa Banat News Hugyaw. Hello Tita Yurs ug sa akong hampaslupa nga higala nga si Jaypee. Nagkagrabe na ang pagsaka sa popularidad sa afternoon series sa ABS-CBN nga Wildflower nga gibidahan nila ni Maja Salvador, Joseph Marco, RK Bagatsing, Vin Abrenica,ug Roxanne Barcelo. Ang unang impresyon sa katawhan kaniadto nga kutob lang sa pa-sexy nga mga eksena ang maong serye, apan nilutaw ang kamatuoran nga napuno diay ni sa drama ug makahugyaw nga eksena. Nilutaw gihapon ang ka maayo ni Maja sa natad sa pag-arte, siya na gyud.

Yuri: Haayyyyy kaog kamay. Basta Tuesday na signos na kini sa atong panagbanatanay. Siyempre, tagaan na usab nato og makalingaw nga opinyon ang atong mga Kabanatanay.  Hello there beshie beshie Jaypee ug Sanden, I am sure naa gyud mo sa gwapa nga pagkabutang. Sama kamo sa usa ka buwak nga humot, humok ug hugyaw! Pero makapangutana ko usa baka ka wildflower beshie beshie Jaypee ug Sanden? Kining Wildflower nga inyong giingon,  sa tinuod lang bisa’g kausa wala ko nakakita pero sa akong pagkahibalo pinaagi sa social media maayo gyud pagkadala ni Maja ug sa mga supporting actor ug actress. Kung si Maja lang ang hisgutan, sure ko nga maayo gyud ug pakapinan pa sa mga beteranang actress,  sigurado gyud ko nga pasok sa banga ang maong serye.  Manghinaut lang ko nga dili masapawan ni Maja ang  iyang mga kuyog,  unsaon nalang!

Jaypee:  Olah,  Happy Tuesday mga Kabantanay agay!.  Perfect ka Sanden,  akong angkunon nga usa ko  sa matag adlaw sa mga nag- atang sa mga pasiklaban nga mga eksena sa Wildflower. Hugyaw to the highest level man oy. Matag adlaw adunay giandam nga mga paandar ang matag bida. Mura’g matag adlaw adunay mga showdown. Pasok sa banga ang tanang age bracket sa maong teleserye. Ato lang untang panghinaut nga dili ni masusama sa "Ang Probinsyano" nga usahay wa nay lami tungod sa pagkadugay sa istorya.

Sanden: Wow suki diay ka sa Wildflower kumareng Jaypee. Mao diay kun mopahiyom ka, mura nakag si Maja. Charot! Bisan nagkanindot na ang maong serye, duna gihapo'y part nga boring kaayo, mura’g ang dating kay gibinat og maayo, hinuon parte man kana sa mugna aron ma-excite og samot ang viewers. Nakabantay pud ko nga nagkasidlak ang career ni Vin tungod sa maong serye.

Yuri:  Mga beshie beshie Jaypee ug Sanden, known man gyud ang ABS-CBN nga  basta drama na gani ang hisgutan,  ilaha nang strength bisan gani sa mga linya, ma-hugyaw ka, pero in fairness to Maja which nakatrabaho napud nako sa mga events, not once or twice ,buotan man siya nga pagkatawo mao nga blessed kaayo siya karun sa iyang serye. Maayo mosayaw, mokanta ug moarte pa gyud, asa paka mangita ana? Mao nga haum kaayo ni Maja ang Wildflower.  Nahibaw-an nako nga naa ang igsuon ni Aljur Abrenica nga si Vin that would be an advantage for him. Mao nga ako pa niya magtinarong gyud siya.

Jaypee:  Yeseley Sanden and Beshie Yuri, murag for the very first time nagkahiusa ang atung mga hunahuna natong tulo. Kabahin usab kang Vin, saksi gyud ko nga dili na siya  attitude. Mao nang blessed sad gyud pod siya run. Daan na gyud na siyang yummyble ang iyang lawas. Wala tuod siya giswerte sa  pikas station kaniadto nga iyang gitrabahoan, but look at him now. Lumalaban na ang karera.

Sanden: Sige na, manghipos na ta sa atong baligya, hahaha. Atong na lang atngan ang sunod nga mga eksena sa Wildflower. Nindot baya kaayo ang usa sa ilang mga themesong, ang Sa'Yo by Silent Sanctuary. Makadungog ko sa kanta, ma-relax gyud ko

Jaypee:  Basta gwapahan gyud kong Maja, pareho ni sila ka gwapa sa owner sa Thai Boran nga anaa mahimutang sa AS Fortuna Branch nga ginganlan og Jenny Sison nga  buotan pud kaayo. Bitaw, atung panghinaut lang gyud nga dili lang pod sakyan kaayo sa ABS ang popularidad karun sa Wildflower ilabi na kanang mobinat og maayo sa istorya  gumikan kay moresulta kana sa pagka walay lami. Sama sa nahitabo sa ubang mga eksena sa Probinsyano.

Yuri: Pero kung si Beshie Sanden na bored lately dapat naa sila'y buhaton kay taas baya ang standard ni beshie Sanden sa mga ing-ana nga mga salida. Maghinaut lang ko nga after Wildflower, dili lang ma-frozen delight ang beauty ni Maja, dunay follow- up project dayun. Daghang salamat mga Kabanatanay sa inyong oras nga inyong gitagana sa Banat News.

Alang sa inyong mga komento, ipadala lang kana sa 09192422676. (BANAT NEWS)