SPG naka-P500M na!
Sanden J. Anadia (Banat) - December 27, 2016 - 12:00am

CEBU, Philippines - Malipayong gianunsyo sa Star Cinema  nga mikita na og  P500 million ang pelikulang “The Super Parental Guardians” .

Mao kini ang latest update sa maong pelikula niadtong December 24.

Kahinumdoman nga nikita og P75 million ang SPG sa unang adlaw nga pagpasalida niini niadtong November 30.

Gibidahan kini nila ni Vice Ganda, Coco Martin, Simon “Onyok” Pineda ug Awra Briguela. 

Paolo na-starstruck kang Nora

Nagpahulagway gyud si Paolo Ballesteros uban kang Nora Aunor sa dihang nagkaabot sila niini atol sa Parade of Stars sa 2016 Metro Manila Film Festival (MMFF) sa miaging adlaw.

Giingong na-starstruck si Paolo ngadto kang Nora nga usa sa mga respitado nga artista.

Suma pa ni Paolo nga nakatan-aw gyud siya sa pelikula ni Nora kaniadto nga Flor Contemplacion .

Matud pa niya nga nakadaog siya og P500 sa giapilan niya nga poster making contest sa iyang tunghaan  busa nakalibre gyud siya og sine sa iyang igsuon ug gitan-aw nila ang pelikula ni Nora.

Si Paolo maoy bida sa Die Beautiful, samtang si Nora mao usab ang bida sa Kabisera nga entry usab sa MMFF. 

Goo Goo Dolls nagpanikad sa Pilipinas

Nagpanikad na ang grupong Goo Goo Dolls alang sa umaabot nila nga concert  karong February 11 sa  Smart Araneta Coliseum.

Ang maong international band maoy nagpasikat sa mga awit nga sama sa  “Name,” “Slide” ug  “Iris”

“In Asia, we have performed in Japan numerous times but we’ve never been to Manila so we’re excited,”  suma pa sa usa sa mga sakop sa maong grupo nga si  Robby Takac Takac sa dihang nahinabi sa InterAksyon.

Ipaneguro sa maong grupo nga modalit og hugyaw nga mga kanta   alang sa ilang fans.

“We’re looking forward to play a dozen songs that have been on the radio over the years, some song from our new record and a couple of songs that we just love to play,” dugang pa niya.

Gipailaila sa mga anak

Dungan nga gisaulog nila ni Sunshine Cruz ug Macky Mathay ang Pasko. Malipayon si Sunshine gumikan kay nahimamat niya ang mga anak ni Macky.  Tsika pa sa aktres nga nagkalig-on og samot ang ilang relasyon.

Christmas gift

Europe trip maoy pinaskohan sa singer   nga si Jason Dy ngadto  sa iyang pamilya. Mapasalamaton si Jason sa maayong dagan sa iyang singing career busa buot niya nga matagamtaman kini sa iyang pamilya.

Magpabilin sa showbiz

Giklaro ni James Blanco nga wala siya’y plano nga biyaan ang showbiz bisan pa man nga mo-migrate na siya sa New Zealand sunod tuig . Matud pa ni James nga mahimo ra siya  modawat og  showbiz project gumikan kay dali raman alang kaniya ang paglarga  og balik dinhi sa nasud.

Nausab ang kinabuhi

Tsika pa ni Jovit Baldivino nga lahi ra gyud ang iyang kinabuhi sukad sila nakabaton og anak sa iyang partner nga si Shara Chavez.  Suma pa ni Jovit nga mawala ra dayon ang iyang kapoy kung makakita sa iyang anak.

Gipasaylo na

Gidawat ra ni Sunshine Dizon ang pagpangayo og pasaylo sa iyang estranged husband nga si Timothy Tan.  Matud pa sa aktres nga gusto siya og positibo nga palibot ilabi na panahon sa Pasko. Kahinumduman nga nagbuwag ang duha human gipasanginlan ni Sunshine si Timothy nga duna’y laing babaye nga gikairing-iring.  Gitataw hinuon ni Sunshine nga wala sila magbalik ni Timothy.

Hugyaw nga eksena

 Gipasigarbo pag-ayo sa direktor nga si Chris Martinez ang pelikula niya nga Extra Service gumikan kay duna kini mga hugyaw nga eksena. Sila si Jessy Mendiola, Arci Munoz ug  Coleen Garcia ang bida sa maong pelikula.  “Yung extra service kasi dito sa pelikula, code siya para simulan yung mission,”  suma pa sa direktor.

Kusog sa takilya

Nitumaw ang report nga gipistahan ang pelikulang Die Beautiful ug Vince & Kath & James sa pagsikad sa Metro Manila Film Festival niadtong December 25.  Ang duha matud pa maoy magtigi sa unang puwesto.

Teen edition 

Mosikad karong 2017 ang labing una nga teen edition sa “The Voice of the Philippines” sa ABS-CBN.   Gidala ang The Voice dinhi sa nasud niadtong 2013 ug ang nangagi nga winners mao sila si Mitoy Yonting (T Season 1), Jason Dy (Season 2), Lyca Gairanod (The Voice Kids Season 1), Elha Nympha (The Voice Kids Season 2), ug  Joshua Oliveros (The Voice Kids Season 3).

Nagpaklaro na

Gi-post ni Alex Gonzaga ang hulagway sa gidungog niya nga boyfriend.  Nabitin ang iyang fans gumikan kay nagdumili gihapon si Alex  sa pagbutyag sa pangalan sa maong lalaki.  Giingong aprobado sa pamilya ni Alex ang gidungog niya nga uyab.

Mawili sa mga kauban

Naguol si Jericho Rosales gumikan kay  padulong na mahuman ang seryeng “Magpahanggang Wakas”.  Matud pa ni Echo nga  mawili siya sa iyang mga kaubanan sa maong serye.  (BANAT NEWS)

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with