CEBU, Philippines - Makalingaw ang pagkaon og sambag, gumikan kay gawas nga pilit, aslom ug tam-is kini, kanunay kita nga magmatngon nga dili matulun ang liso.
Alang pud sa inyong kasayoran, dili basta-basta ang sambag gumikan kay duna’y nagpahipi nga hiyas niini nga makahatag og kaayohan sa atong lawas.
Suma pa sa organicfacts.net, ang sambag nagtangag og mga bitamina ug minerales sama sa bitamina C, bitamina E, calcium, phosphorous, potassium, manganese, iron ug dietary fiber.
Gumikan niini, gitun-an pag-ayo sa mga eksperto ang benepisyo nga gihatag sa sambag. Gani, adunay pipila ka mga natala nga kaayohan nga mahatag niini.
•Makapawala sa kakatul sa mata
•Pag-ayo sa komplikasyon sa paginhawa
•Maka-ayo sa dili husto nga kondisyon sa panit
•Makapaubos sa cholesterol
•Makahatag og alibyo sa mga sakit sa lawas
•Makapaubos sa hilanat
•Makapapugong sa cancer
•Makaprotekta sa mga bata batok sa mga bitok
•Dali nga makapagaling sa mga pagkaon nga anaa sulod sa tiyan
•Makaayo sa abnormal nga pagpagawas sa hugaw sa tawo
•Makapawala sa anemia
•Makapawala sa labad sa ulo
•Makapahunong sa pagpabug-at sa timbang
•Makapawagtang sa kasakit sa balatian sama sa arthritis ug rayuma (BANAT NEWS)