CEBU, Philippines - Gipaukyab ni Prince Stefan ang publiko sa iyan rebelasyon atol sa iyang paglugwa sa podcast nga Good Times With Mo Twister sa miaging adlaw.
Usa sa iyang mga rebelasyon mao ang pagsuway niya og flirt kang Aljur Abrenica kaniadto apan wala kini nagmalampuson.
Nasayran nga nilubad na si Prince sa iyang sekswalidad karong tuiga. Ka-batch sila si Prince ug Aljur sa Star Struck: The Next Level (2006-2007), ang reality-based talent show sa GMA Network.
Si Aljur maoy Ultimate Hunk sa ilang batch , samtang First Prince o 1st runner-up si Prince.
Nahitabo ang pagsuway og flirt ni Prince kang Aljur sa dihang duna sila’y raket didto sa Bohol.
Kauban sila og room ni Aljur ug gihagad niya kini nga magdungan og kaligo. Nisugot ra si Aljur gumikan kay wala kini naghuna-huna og malisya apan kalit kini nakabantay sa lihok ni Prince busa nisibat kini ug nagpabalhin kini og laing room.
“Umangat na siya sa bathtub, tapos nag-towel na siya.Nailang na siya after that.Tapos, nag-request siya ng other room,” suma pa ni Prince,
Bisan pa man sa maong hitabo, wala nila giputol ang panaghigalaay nila ni Aljur ug giklaro niya straight ang maong aktor.
“Tinatawanan na lang namin,” dugang pa niya.
Giangkon ni Prince nga duna siya’y higala nga mga aktor nga wala pa nilubad ang natilawan na niya kaniadto ug nagdumili siya sa pagbutyag sa pangalan niini.
Malipayon si Prince sa iyang lovelife karon ug nagbase sa laing nasud ang kasamtangang inspirasyon sa iyang kinabuhi. (BANAT NEWS)