Stephanie Center Stage

CEBU, Philippines - Hello there mga Ka-Bischika! Maayong adlaw’ng Domingo kaninyong tanan. Well ang inyong YUR’s truly busy-busyhan ang show lately tungod sa mga grasyang naabot gikan sa Kahitas-an. Bisan og kapoy gamay, padayon lang kay ana man gyud na. Nganung na-busy ko? Kay pwerte nakung tuyok-tuyok  all over Metro Cebu aron bisitahon ang mga nagkadaiyang tunghaan aron sila imbitahon sa umaabot nga Miss Gaisano Inter-School beauty contest for a cause diin ang screening mahitabo karong Sept. 3, 2016 sa Gaisano Grand Jai Alai diha sa Brgy. Mambaling, Cebu City. Gawas niana, back- to- back ang akong natambungan nga mga press conference, at the same time akoy nag-host niini. Sama na lang sa pagpaila sa Meganox dinhi sa Sugbo, ang supplement nga ginama sa tubo. Yes tubo kana gong himuon og asukar, kadto pako kahibaw nga ang tubo adunay mas taas nga ORAC units, (oxygen radical absorbance capacity), kon ikumpara sa ubang anti-oxidant nga tanom o prutas sama sa mangosteen, acai berry ug uban pa. Mas nakanindot ani kay sa Negros Occidental kini gihimo with technology gikan sa America. Nahugyaw ko’s mugna aning Meganox kay so far so good sukad ko niinom niini kay makapanindot sa skin ug makapabata sama sa ilang endorser nga si Ms. Keanna Reeves. Kay matud pa niini dili na kuno siya kinahanglan magpa retoke pa!

Pormal sab nga gipahibaw sa M Talents Events and Promotions ni Mars Aida Patana ang umaabot nga Stephanie Center Stage karong Agosto 28, nga mahitabo diha sa Grandballroom sa Watefront Hotel and Casino. Matud pa ni Stephanie nga 80 to 90 percent na siyang andam dihang ako siyang gipangutana nga are you ready, Stephanie? Subsob karon ang rehearsal sa atong bida uy, uban ang iyang mga mentors nga silang Anna Fegi - Brown uban sa iyang bana ingon man si Ms. Selena Sevilla. Na-excite pud ko aning concert ni Stephanie kay mo-guest baya si Bae Alden Richards. Mao nang pamalit namu’g ticket kay hurot-hurot na ra ba mga KSB basin magmahay nya mo ha, ayaw ko ninyog basula, char lang!