CEBU, Philippines - Miatras isip kandidata sa Ms. World Philippines 2014 ang 24-anyos nga si Roxanne Cabanero .
Kahinumduman nga nisibaw ang pangalan ni Roxanne human kini nipasangil nga gi-rape matud pa siya ni It's Showtime host Vhong Navarro niadtong April 24, 2010.
Dungan sa maong isyu, nikatap usab ang iyang mga sexy nga hulagway sa internet.
Kahinumduman nga nagpusot-pusot ang mga bayolente nga reaksyon sa dihang nabalita nga nalakip si Roxanne sa listahan sa mga kandidata sa Ms. World Philippines 2014 kung diin gibirahan siya og maayo sa netizens gumikan kay matud pa, kuwestyonable ang iyang background.
Sa pag-atras ni Roxanne, nangayo pud siya og pasaylo sa mga organizer sa maong indigay gumikan kay nadamay pa gyud kini sa iyang personal ug kontrobersyal nga isyu nga iyang giatubang.