Trending ang Alex

CEBU, Philippines- Nag-trending sa twitter ang pasundayag ni Alex Gonzaga sa “The Voice Kids” niadtong Domingo diin gikanta niya ang hit song ni Taylor Swift nga “I Knew You Were Trouble” kauban ang rapper nga si Gloc 9. Si Alex ang co-host ni Luis Manzano sa maong show.

Excited si Sir Chief

“First ever movie ko sa filmfest (Metro Manila Film Festival 2014) kaya excited din talaga ako. Well, I want to see rin kasi how well the movie will fare” suma pa ni Richard Yap sa dihang gipangutana siya kabahin sa umaabot nga pelikula nga “Praybeyt Benjamin” kinsa kauban niya si Vice Ganda.

Ruru ug Miguel ang bet

Matud pa ni Direk Maryo J. Delos Reyes nga gusto niyang mobida sa umaabot nga movie remake sa pelikulang “Gabun” kinsa iyang gidirek kaniadto, sila si Miguel Tanfelix ug si Ruru Madrid. Sila si  Charito Solis, Eddie Rodriguez, ug Lloyd Samartino ang nibida sa maong pelikula kaniadtong 1979.

Okay ra magkontrabida

Tungod sa pagdaug niya isip “Female Kontrabida of the Year” sa bag-o lang nahumang “Yahoo Celebrity Awards” tsika pa ni Jennylyn Mercado nga bukas siya sa papel nga kontrabida. Dugang usab ni Jennylyn nga wala siya magdahum nga makadaug kay ang Rhodora X mao ang labing una niyang kontrabida role.

Inilog si Sofia

Si Sofia Andres ang leading lady nila ni Iñigo Pascual ug Julian Estrada sa umaabot nga indie film nga giulohan og “Relaks, It’s Just Pag-ibig”. Si Sofia sab mao ang nidala isip Abigail sa pelikula nga “She’s Dating the Gangster”. Makita usab siya sa seryeng “Hawak Kamay” nga nagsugod na kagabii.

Lyca sumusunod ni Nora?

Matud pa ni Lea Salonga nga daw susama ni Superstar Nora Aunor ang “The Voice Kids” finalist nga si Lyca Gairanod atol sa episode sa maong show niadtong miaging gabii. Kahinumdumang misikat usab si Nora Aunor pinaagi sa pag-apil og mga singing contest. Si Lyca ug si Nora gikan sa kabos nga pamilya una nila nakab-ot ilang nahimutangan karon.

Para sa anak

Tsika pa ni Jodi Sta. Maria nga maayo ang relasyon nila sa iyang kanhi banang si Pampi Lacson alang sa ilang anak nga si Thirdy. Dugang usab ni Jodi nga iya usab nga giimbita si Pampi sa umaabot nila nga concert sa serye niyang “Please Be Careful With My Heart” kinsa kauban niya ang uban nga cast sa maong serye. Kahinumdumang nagbuwag ang duha pila ka tuig na ang milabay ug karon aduna na sila’y laing ka relasyon.

Final na?

“Ang sakit! Oo, give up na. Hayaan na lang muna. Parang hindi talaga doon ang swerte. Siguro as it is, nasasabi kong okay ako kasi kailangan pa ako ng mga anak ko,”  suma pa ni Kris Aquino sa dihang gipangutana siya kung give-up na ba siya sa pakigrelasyon.

Pwede ra ma-meet

Suma pa ni LJ Reyes nga okay ra niya nga ma-meet sa iyang anak si KC Concepcion kinsa gidungog nga bag-ong karelasyon karon ni Paulo Avelino kinsa amahan sa iyang anak nga si Aki. Si LJ ug Paulo mga produkto sa reality show nga “Starstruck”. (Frenz Maireen F. Taborada, USJR Masscomm Intern)

Wala mahulga

Wala mahulga si Michelle Madrigal sa pagpusotpusot karon sa mga bag-ong artista. Masaligon ang aktres nga dili pasagdan sa GMA-7 ang iyang showbiz career.

Kylie composer na

Si Kylie Padilla mismo ang nag-compose sa kanta niya nga Gitara. Nalakip kini sa debut album niya sa GMA Records nga nag-ulohan og Seasons.  Nalakip usab sa maong album ang  Awake, Mine, Thank You, Lonely Without You, Seasons, Sulat, ug Alive.

Anne nagpa-relax

Mibakasyon si Anne Curtis sa Melbourne, Australia sa miaging adlaw. Gusto ni Anne nga mo-relax isip pahalipay sa iyang kaugalingon human nagmalampuson ang Dyesebel.

Vhong wala sa hearing

Wala motunga si  Vhong Navarro sa  hearing sa  kasong Serious Illegal Detention nga gipasaka niya batok nila ni  Cedric Lee ug  Deniece Cornejo. Gitataw hinuon ni Vhong nga wala pa kinahanglana ang iyang presensya sa maong hearing busa ang abogado lang una ang iyang gipatikang.

Raymart napungot ni Claudine

Gikatahong napungot pag-ayo si Raymart Santiago sa bag-ong pasingit ni Claudine Barretto kinsa ni-post og hulagway nga nagpakita sa mga uwat sa iyang paa. Suma pa ni Raymart nga maglisod siya og hatag og lapad nga komento gumikan sa gag order apan igo ra siya nilenggua og,” Baka pati ang pumatay kay Jose Rizal, sa akin  pa niya isisisi.”

Uyab gipakita na

Sukad nilugwa isip hurado sa Super Sireyna ang uyab ni Isabelle Daza nga si Adriend Semblat,  gibandera na pud sa aktres ang mga hulagway nila sa social media. Usa ka French national ang uyab ni Isabelle ug miyembro kini sa United Football League.

Malantawan matag-adlaw

Matag adlaw na nga malantawan si Billy Crawford sa telebisyon sa higayon nga magsugod na siya og balik  isip host sa ASAP matag Domingo.  Padayon gihapon nga malantawan si Billy sa It’s Showtime gikan sa Lunes hangtud sa Sabado ug duna pa gyud siya’y umaabot nga game show sa ABS-CBN.

Jay-R moarte na!

Gikatahong molugwa pud sa seryeng Hawak Kamay sa ABS-CBN ang RNB Prince sa Pilipinas nga si Jay-R. Nagpasabot kini nga gidawat na si Jay-R sa ABS-CBN human na-expire ang iyang kontrata sa GMA-7.

Nagdumot?

Dili pa andam si Jennylyn Mercado nga makighigala ngadto sa iyang ex-boyfriend nga si Luis Manzano. Suma pa ni Jen nga nag-agad ra siya sa dagan sa panahon. Nasayran nga nasakitan pag-ayo si Jen sa breakup nila ni Luis niadto.

P100 million na

Mikita na og P100 million ang pelikulang She’s Dating The Gangster sulod sa lima ka adlaw pa lang nga pagpasalida niini. Puwerting lipaya sa mga bida niini nga sila si Kathryn Bernardo ug Daniel Padilla gumikan kay wala gyud naapektohan ang ilang pelikula bisan pa man nga gasige og uwan karong panahona.

Happy for Hayden

Angkon ni Katrina Halili nga malipayon siya para kang Hayden Kho kinsa nakuha na pagbalik ang lisensiya isip pagka doktor. Dugang usab niya nga dili na siya magdahum kung mangayo man og pasaylo kaniya si Hayden. Kahinumdumang nikatap ang ilang sex video kaniadtong 2009.

Richard-Anne movie dili madayon

Gibutyag ni Richard Yap nga nagka-conflict ang tagsa-tagsa nila nga schedule ni Anne Curtis busa dili madayon ang giplano nga pelikula kung diin sila unta ang magpares.

Nasayran nga puwerting bisiha ni Anne kinsa bida sa bag-ohay lang nga nahuman nga Dyesebel

Nahuwasan hinuon si Richard sa dihang nasayran niya nga ilakip siya sa pelikula ni Vice Ganda nga Praybet Benjamin 2.

Sugdan na ang shooting niini sulod karong buwana busa todo trabaho na ang aktor ilabi na nga nagpadayon gihapon ang serye niya nga Be Careful With My Heart.