CEBU, Philippines — Ang Team RUS mipatikangkang sa Dracones, 91-79, aron pagpabiling way pilde sa Hoops Arlon Cup Season 2 didto sa City Sports Club-Cebu gym.
Si Bal Zaspa mikadlit og 30 puntos, 11 ka rebounds ug duha ka steals alang sa RUS nga mipahugot sa ilang pagkupot sa solong liderato sa East Division uban ang perpektong 8-0 rekord.
Si Kline Ochavo miharos og 32 puntos, walo ka rebounds ug upat ka assists apan nakawang ang iyang paningkamot gumikan kay ang Dracones nakatilaw sa ikaduha nilang pilde sud sa walo ka duwa.
Sa laing aksiyon, ang Obec United mibuntog sa Fake Agent, 68-63.
Si Jykel Atillo mitagak og 22 puntos ug 12 ka rebounds sa dihang giinat sa Obec United ang ilang baraha ngadto sa 3-4.
Si Eugene Boholst mipupo og 17 puntos, pito ka rebounds, ug tulo ka steals alang sa Fake Agent nga misukarap sa ikawalo nilang pilde nga giatbangan og usa pa lamang ka daog.