Durant nag-wild, Nets gipakaging ang Magic
CEBU, Philippines — Si Kevin Durant mipabuhagay og season-high 45 puntos aron giyahan ang Brooklyn Nets ngadto sa 109-102 nga pagpayaka sa Orlando Magic sa NBA kagahapon didto sa Barclays Center sa Brooklyn, New York.
Midugang si Kyrie Irving og 20 puntos samtang si Nic Claxton miamot og 16 puntos ug 13 ka rebounds alang sa Nets nga nagkupot na karon og 11-11 nga baraga.
Sa ubang mga duwa, ang Boston Celtics mipatikalbong sa Charlotte Hornets, 140-105, samtang ang Philadelphia 76ers nakabawi human malubong og 16 puntos aron bihagon ang Atlanta Hawks, 104-101.
Si Jayson Tatum mipabuto og 35 puntos alang sa Celtics nga mibomba og 24 ka 3-pointers ug mipasa og 40 ka assists aron ilubong ang Hornets.
Didto sa Philadelphia, si Joel Embiid maoy bida sa 76ers uban ang 30 puntos, walo ka rebounds ug pito ka assists.
Mikuha sab og atensiyon si Kristaps Porzingis nga mikulit og career-high 41 puntos, 29 niini sa first half, sa dihang gipatikangkang sa Washington SWizards ang Minnesota Timberwolves, 142-127.
- Latest
