Dapitan bag-ong destinasyon sa 5150 Triathlon sa Ironman

CEBU, Philippines — Kasaysayan sa makasaysayanong siyudad.

Mao kini ang mahitabo gumikan kay kompirmado na nga ang dakbayan sa Dapitan maoy labing bag-ong destinasyon sa mga lumba sa Ironman sunod tuig.

Kagahapon, pormal nang gilusad ang pag-host sa nabantog nga "Shrine City of the Philippines"sa labing unang Ironman 5150 Triathlon didto sa ilang tugkaran nga gikatakda sa Septiembre 10, 2023.

“We are proud and happy to have the world-renowned Ironman 5150 Triathlon here in Dapitan on Sept. 10, 2023. It’s really something that we should all look forward to,” padayag pa ni Dapitan City Mayor Seth “Bullet” Jalosjos.“Triathlon is the kind of sport that we will not only support but also prioritize.”

Mismo ang presidente ug general manager sa Sunrise Events nga si Princess Galura, nga maoy nagpadagan sa tanang mga Ironman events sa nasud, ang milupad sa Dapitan aron pangulohan ang paglusad sa mahinungdanong kalihukan.

“Putting up the 5150 race in the city of Dapitan isn’t only a breakthrough but also historic and we take pride in spearheading this project which will surely draw the veteran and rising triathletes in the local front and overseas," dason pa ni Galura nga mihulagway sa Dapitan nga usa ka "Living Museum".

Ang maayong balita gihangop sa Tri SND Barracuda sa Lanao del Norte nga gipangulohan nilang team leader Ulwan Dimaporo ug star athlete John Alcala nga kanunay nangharos sa nagkadaiyang mga 5150 nga karera.

Agi'g pangandam sa dakong hagit nga ilang pas-anon sa unahon, ang kagamhanan sa Dapitan nagsugod na og pangandam 11 ka bulan sa dili pa ang makasaysayanong panid sa natad sa paugnat sa kusog sa ilang dakbayan.

Gani si Dapitan Tourism Officer Apple Marie Agolong namahayag nga ila nang gipanday ang tanan aron  makumpleto ang tanang mga rekisitos ug buhatonon nga gimando kanila sa Ironman Group/Sunrise Events, Inc.

“Dapitan 5150 Triathlon is now in the works. That’s the direction we’re headed to and we are very focused on that. Slowly but surely we are now putting everything in place. I’m very hopeful that we can pull it off because we have ample time to prepare and do what is expected of us,” dason pa ni Agolong.

Ang rehistrasyon magsugod karong Disiembre 1, 2022. Alang sa dugang detalye, bisitaha ang www.ironman.com.