Pitogo mitaak sa SK division semis
CEBU, Philippines — Ang Pitogo milampornas sa Lamac, 95-74, aron pagtikang ngadto sa bracket B semifinals sa SK category A sa 11th Mayor Teresa "Nene" P. Alegado Fiesta Cup basketball tournament didto sa Consolacion, Cebu. Si Jhonloyd Pepito mikadlit og 19 puntos sa dihang gidominar Pitogo ang Lamac human sila misutoy ngadto sa dakong 53-35 nga labaw sa halftime.
Midugang si Lames Genos og 16 puntos samtang si Nerecio Cabahug miamot og 14 puntos alang sa Pitogo nga makigharong sunod batok sa top seeded nga Cabangahan sa best-of-three semis.
Sa laing resulta, gitagak sa Danglag ang Poblacion Occidental pinaagi sa sikit nga desisyon, 88-83.
Si Vince Sho Cabalhin maoy bida sa Danglan uban ang 22 puntos.
Sila si Ivan de la Cerna ug Jhon Intaligando mihipos og 12 puntos matag usa alang Danglag, nga moduwa og laing knockout game batok sa defending champion Pulpogan aron ma-angkon ang no.2 spot sa bracket A padung ngadto sa Final Four.
- Latest