I.28 Realty milampaso sa Broncos

CEBU, Philippines — Ang I.28 Realty mipakita og kumpletong dominasyon sa dihang gikastigo niini ang Broncos, 86-45, sa Hoop Nation Arlon Cup Season 1 niadtong weekend didto sa City Sports Club-Cebu gym.

Si Kurt Ducante mipaulbo og 34 puntos uban ang lima ka assists ug duha ka steals sa dihang gitabla sa Realtors ang ilang record ngadto sa 4-4.

Ang Broncos nahagsa sa 3-5.   

Sa laing duwa, ang Clutch City nakaipsot batok sa Brothers, 54-51.

Si Wesler Lim miposa og tulo ka 3-pointers sa iyang 15 puntos alang sa Clutch City, nga milansang sa ikaduha pa lamang nilang daog sud sa walo ka        duwa.

Samtang ang Brothers nakatilaw sa ikalima nilang pilde nga giatbangan og duha ka daog.   

Giorganisa ni Hoop Nation founder ug commissioner Adrian Dy, ang labing unang season sa liga gipaluyohan sa TUF Barbershop I.T. Park, First 5 Sports Lounge & Cafe, Boulevard Water Depot, The Trillium Residences At Molave, Ronex Tolin Photography, ug Prism Live.