^

Banat Palaro

Heat mipuwersa og game 7

Emmanuel B. Villaruel - Banat

CEBU, Philippines — Si Jimmy Butler mirehistro og playoff career-high 47 puntos sa dihang gibaslan sa Miami Heat ang Boston Celtics, 111-103, aron pagpuwersa og tinagakay nga Game 7 sa ilang NBA Eastern Conference finals kagahapon didto sa TD Garden sa Boston, Massachusetts.

Ang Heat ug ang Celtics magtiwas karong Lunes diin ang modaog maoy makigharong sa West champion Golden State Warriors sa NBA Finals nga magsugod sa Hunyo 3.

Si Kyle Lowry miamot og 18 puntos ug 10 ka rebounds alang sa Heat nga naglaraw makasud sa NBA Finals sa ikaduhang higayon sud sa tulo ka seasons. Mi-abante sila niadtong 2020 apan gibuntog sa LA Lakers.

Si Jayson Tatum maoy nangu sa Celtics uban ang 30 puntos samtang sila si Derrick White ug Jaylen Brown nagkumboya'g 42 puntos sa pilderong kawsa.

Ang Heat mikolapso human mi-abante og 13 puntos sa ikatulong kuwarter hinungdan nga na-ilog sa Celtics ang labaw, 97-94.

Apan ang Heat miresbak pinaagi sa mainit nga 11-2 rally aron pagkontrola og balik sa duwa uban ang 105-99 nga bentaha sa nahibilin nga 1:25 sa aksiyon.

Katapusang nakasikit ang Celtics sa iskor nga 101-105 gumikan kay si Butler mipasud sa laayo kaayo niyang itsa sa wala pa ang Heat milasang og upat ka free throws sa hilimatyong segundos aron pagsilyo sa ilang daog.

JIMMY BUTLER

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with