^

Banat Palaro

Heat, Suns nabalikan sa ilang kainit, 3-2 na

Emmanuel B. Villaruel - Banat
Heat, Suns nabalikan sa ilang kainit, 3-2 na

CEBU, Philippines — Ang top seeds nga Miami Heat ug Phoenix Suns miresbak sa tagsa-tagsa nila ka mga karibal aron pagtikang ngadto sa usa na lang ka daog gikan sa NBA conference finals.

Didto sa Miami, si Jimmy Butler mi-iskor og 23 puntos aron pangulohan ang balanseng ataki sa dihang gilampaso sa Heat ang Philadelphia 76ers, 120-85, aron pagposte og 3-2 nga labaw sa ilang best-of-seven Eastern Conference semis.

Susama sab ang estorya didto sa Phoenix diin ang Suns milampornas sa Dallas Mavericks sa Game 5 , 110-80, aron pagpanoktok niini sa West Finals. Si Devin Booker maoy nangu sa Suns uban ang 28 puntos samtang si Deandre Ayton midugang og 20 puntos ug siyam ka rebounds.

Ang Mavs igo lamang nakalabaw og otso puntos sa first half gumikan kay ang Suns milusad og nagkayong 33-14 rally sa ikatulong kuwarter aron kontrolahon ang duwa sa hingpit.

Si Luka Doncic mihipos og 28 puntos ug 11 ka rebounds samtang si Jalen Brunson dunay 21 puntos sa pilderong Mavs.

Sa East, pito ka players sa Heat ang mikadlit og double figures ubos sa pagpangu ni Butler. Si Max Strus mipupo og 19 puntos ug 10 ka rebounds, si Gabe Vincent mitali og 15 samtang sila si Victor Oladipo ug Bam Adebayo nagkumboya og 25 puntos.

Si Joel Embiid mitapos uban ang 17 puntos samtang si James Harden nalimitahan ngadto lamang sa 14 puntos sa habig sa 76ers.

MIAMI HEAT

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with