CEBU, Philippines — Andam si IBF super flyweight champion Jerwin “Pretty Boy” Ancajas nga mosaka sa bantamweight division.
Kini aron hagiton ang bisan kinsa sa mga kababayan niyang kampiyon nga sila si Nonito “The Filipino Flash” Donaire Jr. ug John Riel “Quadro Alas” Casimero.
Si Donaire maoy kasamtangang hari sa WBC bantamweight class samtang si Casimero ang nagkupot sa bakus sa WBO.
Sa iyang gitinguha, si Ancajas nagkanayon nga naghuwat lamang siya nga maabot ang oportunidad.
Dili na hinoon bag-o alang ni Ancajas nga makigsangka batok sa kalahi niyang Pinoy sa usa ka world championship bout kay nakadepensa naman siya sa iyang korona batok ni Jonas “Zorro” Sultan.
Ning higayona, buot niyang makaharong si Donaire o si Casimero kon ugaling mahatagan og higayon.
“A world title fight with a fellow Filipino fight is not new to me because I already fought Sultan. If given the opportunity, I will be proud to fight big names like them especially Donaire,” dason pa ni Ancajas sigun sa taho sa GMA News.