_banat
^

Banat Palaro

Suns nagbangutan sa mapait nga kapildihan

Emmanuel B. Villaruel - Banat

CEBU, Philippines — Taop sa dughan ang sakit nga gibatyag sa Phoenix Suns human mapakyas sa ilang misyon nga langkaton ang labing unang titulo sa 53 ka tuig nga kasaysayan sa ilang prangkisa.

Kahayag unta maoy midan-ag sa Suns human sila midaog sa nag-unang duha ka duwa sa serye apan kalit lang silang natikyaob nga mismo sila wala nila damha nga mahitabo.

Gisagunsonan sila og upat ka pilde sa karibal nilang Milwaukee hinungdan nga ang Bucks, ubos sa pagpangu ni Giannis Antetokounmpo, maoy milugwa nga kampiyon ug mibira sa labing una nilang korona sukad niadtong 1971.

Mao nang dili matugkad sa dughan ang gibating kaguol sa Suns nunot sa mapait nilang kapakyasan.

"I haven't felt a hurt like this in my life," kumpisal pa ni Suns guard Devin Booker. "This isn't something you want to feel." Mao sab ang sentimento sa ilang coach nga si Monty Williams.

"It's hard to get here and I wanted it so bad. It's hard to process right now. It's hard. That's all," buhagay pang Williams. "I've never dealt with this kind of hurt as a head coach. There's just a pain that goes with your season being over, but I've never dealt with this. I know this is going to hurt for a while."

Sama sa gihambin sa tibuok nilang koponan, samaran sab ang kasingkasing sa beteranong si Chris Paul, nga miduwa sa NBA Finals sa labing unang higayon ug nagambisyon unta sa labing unang kampiyonato sud sa 16 ka tuig niyang karera.

"You're just trying to figure out what you could have did more. It's tough," angkon pa ni Paul."Great group of guys, hell of a season, but this one is going to hurt for a while."

Malaumon hinoon si Paul nga himoon nilang inspirasyon ang ilang kapildihan aron sila molig-on pa og samot ug makataak og balik sa Finals sa sunod nga NBA season.

PHOENIX SUNS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with