Povetkin, nataptan sa COVID-19, miretiro
CEBU, Philippines — Si kanhi world heavyweight champion Alexander Povetkin mideklara kagahapon nga iya nang gitak-op ang iyang karera gumikan kay nanginahanglan siya og igong panahon aron makarekober gikan sa coronavirus.
"I am no longer young. I have decided to end my career," matud pa sa 41-anyos nga si Povetkin. Si Povetkin maoy WBC interim heavyweight champion gikan niadtong 2020 hangtud sa Marso ning tuiga human siya gipatikangkang ni Dillian Whyte didto sa Gibraltar.
Matud pa ni Povetkin nga nakahukom siyang moretiro gumikan kay wala siya nagkabata ug ingon man gusto niyang magpa-alim sa hingpit human matapti sa Covid.
"It will take a long time, and I am not 20 years old anymore," dason pa ni Povetkin, nga dunay 36-3-1 win-loss-draw record uban ang 25KOs.
- Latest