Mindanao leg sa VisMin Super Cup madayon
CEBU, Philippines — Taliwala sa malampuson sa Visayas leg, lain na sab nga maayong balita ang miabot sa Pilipinas VisMin Super Cup. Kini human ang liga ug ang Games and Amusements Board (GAB) mipahibawo nga gilibkas na ang suspensiyon sa Mindanao leg sa VisMin Super Cup ug gikatakda kining mosikad karong Mayo 30 sa binyu nga i-anunsiyo sa umaabot nga mga adlaw.
Sa pagka karon, siyam ka teams ang mokumbati sa Mindanao leg. Kini mao ang Roxas Vanguards, Pagadian Explorers, Cagayan de Oro Rafters, Sindangan Saints, Zamboanga City Los Valientes, Basilan Peace Riders, Ozamiz Cotta, Tawi-Tawi ug Valencia City, Bukidnon.
"The holding of Mindanao Leg, which will strictly adhere to the ‘No License, No Play’ policy, is conditioned on the submission of the regulatory requirements, such as health screening, drug testing, and related documents, as well as on continuing adherence to protocols and strict supervision of the games," dason pa ni GAB Chairman Baham Mitra.
Sa pagpakanaog sa ilang desisyon, si Mitra ug commissioners Eduard Trinidad ug Mario Masanguid midayeg sa inisyatiba sa Super Cup ilabi na sa pagpatuman niini og estriktong mga lagda human sa kontrobersiya nga mitay-og sa linghod nga liga nunot sa kataw-anan nga duwa tali sa Siquijor Mystics ug ARQ Builders Lapu-Lapu City Heroes niadtong Abril 14.
"We are grateful to the League's officials for their sincerity to undertake the needed reforms for the protection and welfare of professional basketball, the players, and the public," matud pa ni Mitra.
- Latest
