_banat
^

KCS-Mandaue mikulit og kasaysayan

Emmanuel B. Villaruel (Banat) - May 11, 2021 - 12:00am

Labing unang Visayas champion sa VisMin Super Cup

CEBU, Philippines — Mipatik og kasaysayan ang KCS Computer Specialist-Mandaue City isip labing unang kampiyon sa 2021 Chooks-to-Go Pilipinas VisMin Super Cup. Kini human ilang gipakuratan ang inilog nga MJAS Zenith-Talisay City Aquastars, 89-75  sa tagakay nga duwa sa ilang "best-of-three" finals series aron langkaton ang titulo sa Visayas leg niadtong Domingo sa gabii didto sa Alcantara Civic Center sa Alcantara, Cebu.

"Yun naman pinag-usapan namin, 'Let's try to make history. Unang-una 'to!'" paambit pa ni KCS coach Mike Reyes kon giunsa niya paghatag og motibasyon ang iyang mga sakop. "Sabi ko lang sa players, 'Let's give them 40 minutes of hell!'" Tuod man, gitubag sa iyang mga players ang hagit ni coach Mike uban ang tumang kadasig.

Sa dihang naalkansi sila og siyete puntos sa sayong bahin sa second half, 36-43, ang Computer Specialist milusad og makalisang nga 18-1 rally aron pagbali sa huyop sa hangin pabor kanila uban ang 54-44 nga bentaha human sa tres ni 2019 CESAFI MVP Shaq Imperial.

Sa kinatibuk-an sa ikatulong kuwarter, gikastigo sa KCS-Mandaue ang MJAS-Talisay, 27-11 nga nahimo nilang taytayan ngadto sa naglagiting nga kalampusan.

Misamot pa ang kainit sa KCS sa naghinapos nga bahin sa duwa hinungdan nga gipaburot ang ilang labaw ngadto na sa 22 puntos, 88-66 human sa duha ka sagunson nga tres ni Michole Sorela  sa katapusang 1:41 sa aksiyon. Si Ping Exciminiano maoy nangu sa lima ka players nga mikadlit og double figures uban ang 15 puntos, lima ka rebounds, tulo ka steals ug usa ka assists nga nakatabang kaniya aron sakmiton ang pasidungog isip Finals MVP.

"Sobrang blessed ako, after all na nangyari sa akin, nagka-injury at Achilles injury, nagpapasalamat ako na napunta ako sa ganitong situwasyon," matud pa ni Exciminiano.

Sila si Solera ug  Al Francis Tamsi parehong miiskor og 12 puntos, samtang sila si Imperial ug Gileant Delator miamot og 10 puntos matag usa alang sa KCS-Mandaue nga gawas nakaangkon og luna sa VisMin Super Cup Grand Finals karong Agosto mibulsa sab og P500,000 nga ganting salapi.

Si Patrick Cabahug dunay 21 puntos ug tulo ka rebounds, samtang si season MVP Jaymar Gimpayan mipupo og 12 puntos, 11 ka rebounds ug duha ka assists apan nakawang ang ilang paningkamot sa Aquastars.

Duna hinuon sila'y konsolasyon nga P100,000.

VISMIN SUPER CUP
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with