_banat
^

VisMin Super Cup heroes may paglaum pa

Yoyo R. Abayan (Banat) - May 6, 2021 - 12:00am

CEBU, Philippines — Nalugwayan pa ang kinabuhi sa ARQ Builders Lapu-Lapu City Heroes human sa makakurat nila nga kadaogan batok sa "twice-to-beat" KCS Computer Specialist-Mandaue City, 67-52 sa semifinals sa 2021 Chooks-to-Go Pilipinas VisMin Super Cup niadtong Martes sa gabii didto sa Alcantara Civic Center sa Alcantara, Cebu.

Ang kadaogan nagtukmod sa ARQ Lapu-Lapu sa pakigbatok og balik sa KCS-Mandaue sa tagakay nga duwa nga gikumbatihan pa gabii diin ang modaog maoy makigsambunot sa nagpaabot ug wa'y pildeng MJAS Zenith-Talisay City Aquastars sa "best-of-three" Visayas leg finals nga gitakdang sugdan karong Biyernes, Mayo 7.

Ang Lapu-Lapu Heroes naghangad sa kamangtas ni ex-PBA cager Reed Juntilla, kinsa miligwat og 19 puntos, apil ang talagsaong four-point play sa ikatulong kuwarter nga nakaburot og maayo sa ilang labaw ngadto na sa 60-45. Ang beteranong si Juntilla milangkat sab og unom ka rebounds.Maayo sab kaayong nakaduwa si Dawn Ochea diin mitimbre kini og 15 puntos uban ang 16 ka rebounds sa ARQ Lapu-Lapu.

Uban ang madilaabon nga duwa nilang Juntilla ug Ochea sa nag-unang duha ka kuwarter, ang Lapu-Lapu mirehistro sa ilang double-digits nga labaw, 39-29 sa halftime.

Miaksiyon og gukod ang KCS-Mandaue sa third period, apan wala kini makalahutay sa hugot nga depensa sa ARQ Lapu-Lapu nga nakapawong sa ilang paglaum.

Ang daghan nilang sipyat sa itsa nakatampo sa ilang kapildihan. Nakahimo lang sila og 16 sa 71 ka attempts gikan sa field.

Walay bisan usa ang nakapugnit og double figures sa KCS-Mandaue diin si Al Francis Tamsi nga maoy topscorer mitikdol og nuybe puntos, samtang si Shaquille 'Shaq' Imperial mitimang og otso puntos.

Si Gryann Mendoza nalimitahan lang ngadto sa singko puntos human mi-average og 11.6 puntos atol sa regular season.

VISMIN CUP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with