CEBU, Philippines — Nagkasinabot na ang Northport Batang Pier ug ang ilang duha ka first round picks sa 2021 PBA Rookie Draft niadtong Marso 14.
Ang No. 2 overall pick nga si Jamie Malonzo ug higanteng si Troy Rike ang nipirma og kontrata sa presensiya sa ilang tagsa-tagsa ka representante niadtong Lunes.
Ang 6-foot-7 nga si Malonzo nilagda og usa ka maximum contract, samtang si Rike, kinsa gikuha isip No. 11 overall, midawat sa duha ka tuig nga kontrata.
Si Rike giubanan sa iyang ahente nga si Marvin Espiritu sa Espiritu Manotoc Basketball Management, samtang si Malonzo uban ni PJ Pilares sa Titan Management Group dihang nipresentar sa ilang tagsa-tagsa ka NorthPort jerseys pinaagi ni team manager Bonnie Tan.