Adiwang, Loman nagpositibo sa COVID-19

CEBU, Philippines — Duha ka fighters sa Team Lakay nga silang Lito Adiwang ug Stephen Loman ang gitangtang sa ONE on TNT cards sa Singapore human nagpositibo Covid-19.Si Adiwang moaway unta sa ikaduhang higayon ning tuiga batok ni ex-UFC figher Jarred Brooks sa ONE on TNT 2 sa Abril 15, samtang si Loman gikatakdang mohimo sa sa iyang ONE championship debut batok ni kanhi UFC fighter John Lineker sa ONE on TNT 3 sa Abril 22.

Sa taho sa International Business Times, si ONE championship chairman ug CEO Chatri Sityodtong nikompirmar nga positibo ang resulta sa swat test nilang Adiwang ug Loman sa dili pa ang ilang gitakdang paglarga paingon sa Singapore. Si Loman gipulihan ni Troy Worthen sa bantamweight showdown batok ni Lineker, samtang wala pa'y pulong kabahin sa pag-ilis ni Adiwang.

Gawas sa duha, si Eduard Folayang ug uban pang mga fighters sa Team Lakay ang gipanid-an sab, ugaling ang kanhi ONE lightweight world champion atua na sa Singapore. Si Folayang gikatakdang moharong ni Japanese legend Yoshihiro Akiyama sa ONE on TNT 4 sa Abril 28.