CEBU, Philippines — Nibalik na og duwa si Kevin Durant human napalta og 23 ka duwa tungod sa injury aron tabangan ang Brooklyn Nets pagbitik sa New Orleans Hornets, 139-111 sa duwa nila sa NBA kagahapon didto sa New York.
Sa iyang pagbalik, si Durant miiskor og 17 puntos, milangkat og pito ka rebounds ug lima ka assists sa 19 minutos niyang pagwadwad sud sa korte. Si Kyrie Irving mipupo og 24 puntos ug si LaMarcus Aldridge mikolekta og 22 puntos alang sa ikasiyam nga sunod-sunod nga daog sa Nets sa ilang kaugalingon tugkaran.
Gipangulohan ni Eric Bledsoe ang Palicans nga mitusik og 26 puntos sa wala pa na-ejected sa ikatulong kuwarter. Si Zion Williamson mitampo og 16 puntos nga niputol sa iyang 25 ka sunod-sunod nga mga duwa diin siya miiskor og dili momenos 20 puntos.
Didto sa Phoenix, niagi pa og overtime ang Phoenix Suns una nila makuha ang kutas nga daog batok sa Utah Jazz, 117-113 sa makalingaw nga duwa tali sa nag-unang duha ka koponan sa National Basketball Associaton kagahapon didto sa Talkstick Resort Arena sa Phoenix, Arizona.
Si Devin Booker mitali 35 puntos ug si Chris Paul mitampo'g 29 puntos sa Suns nga ikaduha gihapon sa Western Conference standing bitbit ang baraha nga 36-14.
Ang Suns miiskor sa unang lima ka puntos sa overtime ug wala na mahulga pa sukad niadto. Si Booker mihimo'g mga clutch mid-range jumpers, samtang si Paul miposa og usa 3-pointer sa nahabiling segundo aron hatagan ang Suns og 114-108 nga bentaha.
Misikit ang Jazz ngadto sa 114-112 sa lay-up ni Mike Conley sa katapusang 21 segundos, apan pakyas sila pagtabla sa duwa. Si Paul mipasud og duha ka free throws sa nahabiling 7.8 segundos aron pagselyo sa ikapitong sunod-sunod nga daog sa Suns.