CEBU, Philippines — Misaad si Jaja Santiago nga iyang hatagan og koron ang Chery Tiggo human niya tabangi ang Ageo Medics nga nihari sa Japan V Cup. Si Santiago nga bag-o lang niabot sa Pilipinas miingon nga ang kampiyonato uban sa Crossovers sa ilang Premier Volleyball League (PVL) debut mahimo nga usa ka makalipay nga regalo para sa prangkisa nga nisuporta kaniya didto sa Japan.
“My Foton/Chery family supported me since Day 1 of my career as an international athlete. I’ll do my best to get the third championship with this family,” matud pa Santiago. Ang 6-foot-5 middle blocker nga si Santiago, maoy nangu sa Chery, nga naila kaniadto isip Foton Tornadoes ngadto sa duha ka kampiyonato sa Philippine SuperLiga (PSL) sa wala pa siya kuhaa isip import sa Japan V. League niadtong 2018.