Kawhi planong moduwa sa Team USA sa 2021 Tokyo Olympics
CEBU, Philippines — Nagplano si Kawhi Leonard nga moduwa sa Team USA sa 2021 Tokyo Olympic Games sa tinguha nga makauban niya og balik si coach Gregg Popovich.
Si Leonard niduwa sa iyang unang pito ka seasons sa NBA uban sa San Antonio Spurs sa wala pa siya mobalhin sa Toronto Raptors ug karon anaa sa Los Angeles Clippers.
Una kining higayon ni Popovich nga magsilbeng head coach sa Olympics.
"My plan is to go," matud pa ni Leonard. Iyang natabangan si Popovich ug ang Spurs pagdaog sa 2014 NBA championship ug niadtong higayona siya ang NBA Finals MVP.
Ang Tokyo Olympics sugdan karong Hulyo 23 ug ang unang duwa sa Team USA batok sa France sa Hulyo 25.
Usa si Leonard sa finalist alang sa Team USA sa miaging tuig, apan ang Olympic Games gisibog tungod sa coronavirus pandemic.
- Latest
