Floyd mipasalig mahitabo ilang sangka ni Logan
CEBU, Philippines — Mipasalig ang retiradong five-division world champion nga si Floyd Mayweather Jr. nga ang iyang exhibition bout uban ni YouTuber Logan Paul mahitabo. Ang pasundayag orihinal untang gitakda niadtong Pebrero 20, apan gisibog kini sa wala matino nga petsa.
Booker puli ni Davis sa NBA All-Star Game
Napilian si Devin Booker sa Phoenix Suns nga maoy mopuli sa na-injured nga Los Angeles Lakers forward Anthony Davis sa umaabot nga NBA 2021 All-Star Game. Gipili ni NBA commissioner Adam Silver si Booker aron motapak sa gibakantihang puwesto ni Davis human kini gisalikway sa head coaches sa liga alang sa maong exhibition game karong Marso 7 didto sa Atlanta.
Marañon, Kouame Philippine citizenship giaprubahan na
Giaprubahan na sa Senate Committee on Justice and Human Rights niadtong Miyerkules ang balaudnon aron ihatag ang Philippine citizenship ngadto sa mga atleta nga silang Bienvenido Morejon Marañon ug Kakou Ange Franck Williams Kouame. Si Bienvenido nianhi sa Pilipinas niadtong Mayo 2015 ug niduwa sa Ceres Negros Football Club, usa sda mga koponan sa Philippine Football League (PFL). Siya ang topscorer ug nakadawat og award isip best import sud sa tulo ka sunod-sunod nga tuig, 2017, 2018 ug 2019. Sa iyang bahin, si Kouame usa ka student-athlete gikan sa Ateneo de Manila University. Nahimo siyang Rookie of the Year sa University Athletic Association of the Philippines (UAAP) Season 81.