McGregor nasakitan, tugob sa kasubo
CEBU, Philippines — Miangkon si Conor McGregor nga nasakitan siya ug tugob sa kasubo human sa iyang kapildihan ngadto sa underdog nga si Dustin Poirier sa ilang rematch nga maoy event sa UFC 257 niadtong Domingo didto sa Etihad Arena sa Yas Island, Abu Dhabi.
Si McGregor, 32-anyos, mas paborito nga modaog, apan sa wala damha gipaundang siya sa mas ubos pa kaniya nga si Poirier sud lang sa dos minutos ug 32 segundos sa second round.
Pacquiao sunod sangkaon ni Garcia
Bokal kaayong nipahibalo si Ryan Garcia nga ang gi-idolo niya nga si eight-division champion Manny Pacquiao maoy sunod niyang sangkaon. Ang 22-anyos nga si Garcia miiskor og dakong kadaogan pinaagi sa seventh-round technical knockout batok ni Luke Campbell.
Sa iyang bahin, si Pacquiao wala na kapakita'g aksiyon sukad niya gipilde si Keith Thurman niadtong Hulyo 2019 diin iyang naangkon ang WBA welterweight title.