^

Minugbo nga balita

Yoyo R. Abayan (Banat) - January 23, 2021 - 12:00am

Kobe Paras dili  kaapil sa Gilas training pool

CEBU, Philippines — Dili makaapil si Kobe Paras sa Gilas Pilipinas training pool alang sa third window sa 2021 FIBA Asia Cup qualifiers sunod bulan didto sa Clark, Pampanga. Gikompirmar ni Samahang Basketbol ng Pilipinas (SBP) program director Tab Baldwin nga ang 6-foot-6 forward nga si Paras nibalibad pagsalmot sa mga duwa sa Pebrero 18, 20 ug 22. Ang medical issue usa sa mga hinungdan sa pag-atras ni Kobe, sumala pa Baldwin ngadto sa Spin.ph.

Sugboanong si Manzo apil sa PBA Draft

Sugboanong guwardiya nga si Jun Manzo miduso sa iyang aplikasyon alang sa umaabot nga PBA Rookie Draft.

Ang 23-anyos nga si Manzo niduwa og tulo ka tuig uban sa University of the Philippines (UP) Fighting Maroons human nibalhin gikan sa University of the Visayas (UV) Green Lancers.

Kon buligan sa maayong kapalaran, ang  5-foot-10 nga si Manzo maoy sunod mosubang nga bitoon gikan sa Sugbo sunod nilang Dondon Hontiveros, Roger Pogoy, Junthy Valenzuela ug Jimwell Torion ug uban pa.

MPBL planong motiwas sa Lakan Cup finals sa Subic bubble

Nangaliya si commissioner Kenneth Duremdes nga unta ang kagamhanan mohatag na og pagtugot sa Maharlika Pilipinas Basketball League (MPBL) aron makapadayon ug motiwas sa nahunong nga Lakan Cup.

Matud ni Duremdes, nga iya na nga giduso ang mga proposals ngadto sa Inter-Agency Task Force (IATF) for Emerging Infectious Diseases ug sa World Health Organization (WHO) ang gipanday nga plano sa liga nga himuon pinasubay sa bubble set-up.

Gisaytan sa MPBL ang Subic nga posibleng bag-ong lokasyon sa pagbalik unya sa aksiyon.

Ang nasudnong kagamhanan mitugot lang sa professional sports nga makapadayon sa mga kalihukan niadtong Oktubre sa miaging tuig, ang amateur ug collegiate sports wala pa tugti nga mobalik sa aksiyon.

Kahinumduman, ang  liga nahunong niadtong Marso sa miaging tuig tungod sa Covid-19 pandemic ug wala maduwa ang Game-3 sa duha ka division finals. 

KOBE PARAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with