CEBU, Philippines — Sila si Brayan Gabuya ug Orland Bartiana maoy naghari sa Open Doubles Dart Sinulog Cup 2021 nga gipaluyohan sa Pats Grill 'N Folk Music House niadtong Sabado didto sa sitio Elma sa Cogon-Pardo.
Nadawat nila ang P2,000 nga ganting salapi ug tropeyo bugti sa ilang paghari sa torneyo nga gipasiugdahan sa Beginners Dart Club (BDC) ubos sa liderato sa presidente niining si Brayan Gabuya ug bise presidente Cristian Marriot. Ang paris nilang Joseph Bacalla ug Dodong Abano maoy first runner up ug naangkon nila ang P1,500 nga ganti ug tropeyo, sila si Wendell Abella ug Cristian Dy ang second runner up nga dunay ganting P1,000 ug dart accessories.
Naangkon nilang Joel Aguilon ug Jojo Morados ang P700 ug dart accessories isip ganti alang sa third runner up.
Dako ang pasalamat nila ni event coordinators Edwin Dejacto ug Oscar Gabuya ngadto nilang Pat ug Pitpit, ang tag-iya sa Pats Grill 'N Folk Music House sa suporta nga ilang gihatag aron magmalampuson ang maong torneyo. Naglangkob sa working committee mao silang Jojo Nacua, Ake Abellanosa, Joseph Tapilon, Reil Menchavez ug Jeros Ponce.
Laraw sa BDC nga mopahigayon og laing torneyo karong Pebrero 13 diha gihapon sa Pats Grill 'N Folk Music House.