Foloyang nasugamak na sab
CEBU, Philippines — Nagpadayon ang pakigbisog sa beteranong Pinoy'ng mixed martial artist nga si Eduard Folayang human kini makatilaw og laing pilde.
Sa ikaupat nga kapakyasan sa miagi niyang lima ka away, si Folayang nahagba sa mga kamot sa Australyanong si Antonio Caruso pinaagi sa unanimous decision atol sa ONE: Inside The Matrix niadtong Biyernes sa gabii didto sa Singapore. Kanhi two-time ONE lightweight world champion, ang 35-anyos nga si Folayang nagkalisud batok ni Caruso sud sa tulo ka hugna nilang kumbati.
Pipila ka higayon nga gitumba ni Caruso si Folayang, apan nakasugakod hinuon ang Pinoy ug nakalahutay sa tulo ka hugna. Taliwala sa iyang kaparotan, ang pambato sa Team Lakay nagkanayon nga dili pa siya andam moretiro ug mobalik pa siya nga mas maayo ug kusgan.
- Latest
