Beermen gihubog ang Bolts
Emmanuel B. Villaruel (Banat) - October 30, 2020 - 12:00am

CEBU, Philippines — Mibangon ang San Miguel Beermen human malubong og 13 puntos sa ikatulong aron putlan og kuryente ang Meralco Bolts, 89-82 sa PBA Philippine Cup niadtong Miyerkules sa gabii didto sa Smart 5G-powered AUF Sports Arena sa Angeles City, Pampanga. Si Mo Tautuaa mipugnit og 23 puntos, samtang ang mga beterano nga sila si Arwind Santos, Alex Cabagnot ug Chris Ross mikayod sab og maayo aron ituboy ang Beermen ngadto sa ikatulo niining sagunson nga daog ug ikaupat sa kinatibuk-an sud sa unom ka duwa.

Ang "Spiderman" nga si Santos mihipos og 17 puntos ug 11 ka rebounds, si Cabagnot mitali og nuybe sa iyang 13 puntos sa katapusang kuwarter, samtang si Ross midugang og 12 puntos, upat ka assists ug lima ka steals alang sa Beermen nga nakigtabla sa Barangay Ginebra Kings ug Phoenix Super LGP Fuel Masters sa ikatulong dapit sa liderato bitbit ang managsamang 4-2 win-loss records.

Ang Bolts naglabaw unta, 65-22, apan ang Beermen milusad og 19-4 run aron ilogon ang labaw, 79-73, sa sayong bahin sa fourth quarter.

Ang Bolts nakasikit sa katapusang higayon sa iskor nga 80-83 gumikan kay sila si Cabagnot ug Ross milansang og duha ka sunod-sunod nga tres aron pagsilyo sa daog sa Beermen.

Sila si Amir Baser, Reynel Hugnatan ug Chris Newsome nagkumboya'g 46 puntos alang sa Bolts nga nakatilaw sa ikatulo niining pilde nga giatbangan ug tulo sab ka daog.

BOLTS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with