CEBU, Philippines — Namahayag si MMA superstar Conor McGregor nga mobalik siya sa boksing aron sangkaon si eight-division world champion Manny Pacquiao.
Midaog si McGregor sa katapusan niyang away sa kalibotan sa MMA niadtong Enero sa wala pa mipahibawo sa iyang pagretiro niadtong Hunyo.
Human sa wala damha niyang pagretiro nga nakasurprisa sa kadaghanan ilabi na ang iyang mga fans, si McGregor mitagak og laing bomba sa iyang pangangkon nga mag-abot sila ni Pacquiao didto sa Middle East.
"I’m boxing Manny Pacquiao next in the Middle East,"suwat pa ni McGregor sa iyang Twitter. "It will be a true honor to have faced two of the greatest boxers of the modern era, afraid of a fight."
Wala dayon hinuon tuhoi sa pipila ka mga fans ang pasiatab ni McGregor gumikan kay iya naman kining naandan nga gibuhat sa social media.
Ang kampo ni Pacquiao pinaagi ni MP Promotions president Sean Gibbons mikompirmar nga ilang gikonsiderra ang maong away, apan layo pa kini sa tinuod.