Celtics nagkasuod human nagkasungi
Emmanuel B. Villaruel (Banat) - September 23, 2020 - 12:00am

CEBU, Philippines — Mikompisal si Boston Celtics star Marcus Smart  nga nakapalig-on og samot sa relasyon sa ilang team ang miulbong gubot sa ilang locker room human sila gipilde sa Miami Heat sa Game-2 sa best-of-seven NBA Eastern Conference finals niadtong Biyernes.

Gikataho nga si Smart migawas og kalit sa ilang dressing room pagpakita sa iyang pagkadismaya sa maong duwa diin sila naglabaw og 17 puntos, apan napilde gihapon sa Miami hinungdan nga ang Heat miposte og 2-0 nga bentaha sa serye.

Apan gihulagway ni Smart ang wala nila pagkasinabtanay sa iyang mga teammates niadtong tungora sama sa usa ka away sa pamilya nga dili malikayan nga dili magkasinabot usahay.

Alang ni Smart, ang labing mahinungdanon mao nga nagkauli ra dayon ang maayo nilang kabubut-on ug gani mas nilawom pa ang ilang pagsinabtanay ug panagdait sa usa'g-usa.

Timaan niini, gipakaging sa Celtics ang Heat sa iskor nga 117-1101 sa Game-3 niadtong Domingo aron putlan ang labaw sa Miami ngadto na lang sa 2-1.

Ang maong krusyal nga daog tataw nga makapadasig sa Celtics sa ilang laraw nga tablahon ang serye sa Game-4 nga gikatakda ugma. 

BOSTON CELTICS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with