Magpabadlong sa PBA bubble silotan
CEBU, Philippines — Bug-at nga silot ang ipahamtang sa PBA niadtong mga magpabadlong sa iplastada nilang bubble didto sa Clark. Kadtong mga players nga masakpan nga wala mosunod sa ilang patakaran sa panglawas ug kaluwasan dili suweldohan og usa ka bulan sa iyang team.
"Kapag lumabas ka ng bubble, one month kang hindi papa-swelduhin ng team, fine ka sa PBA ng P100,000. Tapos sa susunod na season, suspended ka ng five playing games," matud pa ni PBA commissioner Willie Marcial.
Samtang kadtong mogawas dili na tugotan pa nga makasulod og balik sa bubble puwera na lang kon balido ang ilang rason.
"Kapag pumasok ka, wala ng makakalabas sa bubble," dugang pa ni Marcial.
Si PBA Board Vice Chairman Bobby Rosales sa Terra Firma mipadayag nga estriktuhon gyud ang pag-implementar sa ilang mga palisiya sa bubble aron pagseguro sa kaayohan ug kaluwasan sa tanan.
- Latest