CEBU, Philippines — Nabalik na ang iyang team nga San Miguel Beermen sa ilang training uban ang paglaum nga makapakita'g aksiyon sa giplanong torneyo sa PBA sud sa usa ka bubble sama sa gibuhat sa NBA karong Septiyembre.
Apan taas-taas pa ang latason sa Sugboanong alas sa SMB nga si June Mar Fajardo kabahin sa pagtaak niya og balik sud sa korte. Nindot man tuod ang dagan sa rehabilitasyon ni Fajardo gikan sa injury nga iyang nahiaguman niadtong Pebrero, apan dili pa siya andam nga moapil sa praktis sa Beermen ning higayona.
Mismo si SMB team manager Gee Abanilla wala masayod kon kanus-a makabalik kanila si Fajardo, ang six-time PBA Most Vauable Player nga garbo sa lungsod sa Pinamungajan, habagatang bahin sa Sugbo.
“His progress is on schedule. He is doing his rehab with our PT’s and he is improving by the day,” sumala pa ni Gee Abanilla. “But there’s no timetable for Fajardo’s return.” Gipasabot ni Abanilla nga dili nila pugson si Fajardo ug ilang seguraduon nga 100 porsiyento na ang kondisyon ug kapiskay sa panglawas sa 6-foot-10 nga higanteng sentro kon ugaling mabalik na kini kanila.
“We don’t want to rush June Mar’s rehab program and we want to make sure he is 100 percent ready before going back to practice. He’s scheduled to do aqua training soon and we’ll take his progress from there,” dugang pa ni Abanilla.