Lakers no.1 sa West
Emmanuel B. Villaruel (Banat) - August 5, 2020 - 12:00am

CEBU, Philippines — Nakasud ang Los Angeles Lakers sa playoffs sa labing unang higayon since niadtong 2013 human ilang gilumsan ang Utah Jazz, 116-108 sa nagpadayong aksiyon sa National Basketball Association kagahapon didto sa The Arena at ESPN Wide World of Sports Complex sa Orlando, Florida.

Si Anthony Davis mipabuhagay og 42 puntos uban ang 12 ka rebounds, upat ka assists ug tulo ka steals sa Lakers nga misakmit sa no. 1 spot sa Western Conference sud sa 17th ka higayon sa kasaysayan sa ilang prangkisa. Ang Lakers nagbitbit og 51-15 win-loss record, samtang ang Jazz nagkumpayot sa ikalimang dapit uban ang 42-25 nga baraha.

Ang Jazz naglabaw unta og kuwatro puntos sa iskor nga 71-67 sa tunga-tungang bahin sa ikatulong kuwarter, apan ang Lakers milusad og 19-2 run aron ilogon ang labaw ug kontrolahon ang duwa sa hingpit.

Sa maong ratsada, si Davis mikadlit og 10 puntos, apil na ang duha ka tres.

Gitak-op ni Davis ang iyang pagkamabayanihon pinaagi sa pagkumpleto sa iyang four-point play nga nakapainat sa labaw sa Lakers ngadto na sa 10 puntos sa nahibiling 42.9 segundos sa duwa.

Dako sab og natampo sa Lakers ang superstar nilang si LeBron James nga mitali og 22 puntos, walo ka rebounds ug siyam ka assists.

Sa pagpanginit ni Davis, napuhalan sa Lakers ang alas sa Jazz nga si Donovan Mitchell, kinsa mipugnit og 33 puntos, 21 niini sa first half, apan matawag kini nga walay pulos kay napilde ang iyang koponan.

LAKERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with