CEBU, Philippines — Dili usa kondili duha ka Pinoy'ng boksidor ang mopakita'g aksiyon sa La Vegas karong Hulyo 17 (oras dinhi sa Pilipinas).
Kini human si lightweight prospect John Vincent 'Mulawin' Moralde sa Sanman Gym nga nagbasi sa General Santos City gipaslak sa sunod nga edisyon sa "Live Boxing is Back" series sa Top Rank didto sa MGM Grand.
Si Moralde (23-3, 13KOs) makigharong sa Meksikanong si Alexis del Bosque (17-5, 9KOs) nga gikan sa upat ka sagunson nga daog.
Mangtas sab hinuon si Moralde nga midaog pinaagi sa knockout batok ni Matias Arriagada sa miagi niyang away.
“We have similar records. This is a important fight in this stage of my career and I don’t want to spoil the chance. I want to bring home another win," matud pa ni Moralde.
"I have been grinding in the gym all these times and been staying ready. Thanks to my team for giving me this opportunity. I am so lucky to book a fight in the midst of this crisis,” dugang pa niya.
Sa main event, ang kababayan ni Moralde nga si Mark John 'Journey Man' Yap (30-15, 15KOs), makigbinukbukay ni three-time world title challenger Miguel 'Scorpion' Marriaga (29-3, 25KOs) sa Colombia sud sa 10 ka hugna ubos sa featherweight division.