M dimakiling nanghawod sa 'bounty' edition
CEBU, Philippines — Mipatigbabaw si International Master Oliver Dimakiling sa 159 ka mga entrante aron langkaton ang titulo sa ikaupat nga hunat sa Stay at Home Chess Challenge-Bounty edition nga giduwa sa lichess.org niadtong Sabado.
Ang Bol-anon nga si Dimakiling maoy milugwa nga kampiyon human miposte sa labing taas nga 60 puntos aron mabulsa ang P3,000 nga ganti. Nabutang sa halayo nga ikaduhang puwesto mao si Lemuel Montero uban ang 41 puntos, samtang sila si National Master Rommel Ganzon, Ariel Abellana ug Michael Joseph Pagaran maoy miokupar sa ikatulo ngadto sa ikalimang dapit bitbit ang 40 puntos.
Naglangkob sa top 10 mao sila si Eden Diano, Brylle Arellano, Jimmy Ty, Rosendon Yamyamin ug Redentor Nailon.
Nagkumpleto sa top 20 mao sila si Juanico Segismar, Dennis Navales, Christian Yves Fiel, Spencer de Guzman, Rhenzi Kyle Sevillano, Jethro Esplanada, Remegio Galenzoga, Camelo Pamandanan, Louie Canieso ug Jasper Montejo.
Ang top 5 female players mao sila si Cristy Cabungcag, Jenny Rose Palomo, Sheila Khan Sepanton, Alphecca Gonzales ug April Antido Ang top 4 kiddies mao sila si Dave Lavandero, Jerish Velarde, Edelyn Vosotros, ug Kristine Lavandero samtang ang top 3 seniors mao sila si Roberto Inocian, Lincoln Yap ug Jesus Bitoon. Ang duha ka oras nga torneyo nga giorganisat ni IM Kim Steven Yap sa Cebu School of Chess nahimong posible gumikan sa suporta sa Sunshine Almonds nga gipanag-iya ni Ralph Palmeri.
- Latest
