NBA plano mobalik karong hulyo 31

CEBU, Philippines — Plano ni NBA commissioner Adam Silver nga  ibalik ang aksiyon sa liga karong Hulyo 31.

Mao kini ang gipahibalo ni Silver ngadto sa mga NBA team owners atol sa conference call kagahapon. Kini bisan pa man og wala pa'y klaro hangtod sa karon kon unsay format nga gamiton sa nahibiling bahin sa regular season.    

Gisuspenso sa NBA ang ilang mga duwa niadtong Marso 11 gumikan sa kalibutanhong pandemya ug karon daghang senaryo ang ilang gitun-an kon unsaon pagtiwas ang naputol nga season. Apil na niini ang paglahos na lang sa playoffs diin ang mga kwalipikadong teams magkumbati sud sa usa ka lugar ug binyu.

Kining maong opsiyon suportado sa kasagaran sa mga general managers sa NBA.

Gikonsiderar nga mga binyu sa pagbalik unya sa NBA mao ang Las Vegas, Nevada ug ang Disney Complex didto sa Orlando, Florida.