CEBU, Philippines — Gibaliran ni NBA legend Michael Jordan ang tanyag sa Mondragon International, Phls. nga $7 million aron lamang moduwa og golf sud sa usa ka adlaw dinhi sa Pilipinas.
Nahitabo kini pipila ka tuig na ang milabay, apan karon pa gibutyag sa iyang agent nga si David Falk.
Matud pa ni Falk nga wala dawata sa iyang agalon ang maong makabungog nga tanyag sa dihang mibisita kini Asya alang sa usa ka NBA pre-season NBA game uban sa Charlotte Hornets nga gipanag-iya niini.
“And a woman in the Philippines offered me $7 million for one day, wanted him to play in a golf tournament. And he turned it down,” matud pa ni Falk.
Wala hinuon matingala si Falk sa desisyon ni Jordan kay sayod man siya sa kinaiya niini nga mamili og dawaton nga mga tanyag.