Spence gisaytan sab si Mayweather

CEBU, Philippines — Gawas ni Pinoy ring star Manny Pacquiao, si unified WBC/IBF welterweight champion Errol Spence Jr. duna sa'y laing gustong sangkaon sa pagbalik niya og away.

Kini walay lain kondili si Floyd Mayweather Jr., ang retiradong wa'y pildeng kampiyon.

Nanganti na gani nang daan si Spence nga kon ugaling mag-abot ang ilang dalan ni Mayweather, hayan nga iyang kining paludhon.

“100% focused, in my prime, I think I would beat Floyd,” segun pa sa taho sa overtimeheroics.net.

“He’s very mentally tough. I would cut him off, I would use my jab…throw combinations, work the body and then work the head… I’d try to break him down physically, because I know I’m not gonna break him down mentally,” dugang pa niya.

Sa miagi niyang duha ka away diin iyang gibuntog sila si Mikey Garcia ug Shawn Porter, gipakita ni Spence nga duna siya'y kapasidad nga mopatilaw ni Mayweather og pilde sa labing unang higayon.

Daghan hinuon ang nagduda kon si Mayweather mosukol ba ni Spence nga manghod niya og 13 ka tuig ug anaa pa sa labing maayong kondisyon sa iyang karera.

Show comments