CEBU, Philippines — Si kanhi world champion Amir Khan namahayag kagahapon nga gusto niyang tak-upon ang iyang karera sa boksing pinaagi sa usa ka away batok ni Manny Pacquiao o sa kababayan niyang Briton nga si Kell Brook.
Ang 33-anyos nga si Khan, kinsa midaog sa katapusan niyang away pinaagi sa 4th round knockout batok ni Billy Dib didto sa Saudi Arabia niadtong Hulyo, nagplano nga moretiro na ug gusto niyang makaharong ang usa ka dekalibreng kontra sa dili pa isab-it sa hingpit ang iyang gloves. "I have a couple of fights left in me -- one or two at least," matud pa ni Khan ngadto ni promoter Eddie Hearn pinaagi sa Instagram.
"The biggest fights motivate me. When you've made so much money and won world titles, what's going to motivate you? A Manny Pacquiao fight is huge, wherever it was, then you have Kell Brook, another massive fight in the UK," dugang pa niya.
Si Khan nakadaog og silver medal sa Olympics sa edad pa lamang nga 17-anyos. Isip pro, duha ka higayon nga naghari siya sa junior welterweight division.
Gawas sa engkuwentro nilang Canelo Alvarez niadtong 2016, pareho niyang wala makuha ang gihandum niyang away batok nilang Pacquiao ug Floyd Mayweather Jr.