CEBU, Philippines – Ang New York Knicks, Los Angeles Lakers ug Golden State Warriors maoy nangu sa listahan sa labing adunahan nga mga NBA teams segun pa sa taho sa prestihiyosong Forbes magazine kagahapong adlawa.
Sa ikalimang sunod-sunod nga tuig, ang Knicks nagpabilin nga maoy labing bililhon nga prangkisa sa NBA sa balor nga $4.6 billion.
Gisundan kini sa Lakers nga dunay balor nga $4.4 billion ug dayon sa Warriors nga dunay bili nga $4.3 billion.
Nahimutang sa ikaupat nga puwesto ang Chicago Bulls ($3.2 billion) ug ikalima ang Boston Celtics ($3.1 billion).
Naglangkob sa top 11 mao ang Los Angeles Clippers ($2.6 billion), Brooklyn Nets ($2.5 billion), Houston Rockets ($2.475 billion), Dallas Mavericks ($2.4 billion), Toronto Raptors ($2.1 billion) ug Philadelphia 76ers ($2 billion).
Mao sab kini ang labing unang higayon nga ang balor sa tanang NBA teams dili momenos og $2 billion.