CEBU, Philippines — Ang beteranong triathlete nga si Michael Largo midominar sa Horizons 101 Cebu Vertical Climb 2020 niadtong miaging adlaw didto sa Horizons 101.
Si Largo mitapos sa makutas nga lumba sud sa 20 minutos ug 22 segundos. Gauna siya sa Kenyan nga si Joseph Mururi kinsa adunay oras nga 21:31, samtang si Ejay Glmadona maoy third placer sa oras nga 22:09.
Mokumpleto sa top 10 finishers sa men’s elite sila si Ian Refuela(22:33), Jerome Casinillo(25:14), Rinmarch Gonzaga (25:23), Jezreil Baguio(25:44), Roldan Calda (27:12) ug Leonard Kemboi (27:38).
Ang SEA Games medallists nga sila si Nikko Huelgas,Mervin Guarte ug Sherwin Managil misalmot usab apan isip guest runners.
Sa women’s class, napuhalan ang Pinay nga si Ruffa Sorongon sa Kenyan nga si Consolata Cherotich, kinsa labing paspas sa oras nga 23:35, samtang si Sorongon second placer ra sa oras nga 24:49. Mokumpleto sa women’s top 10 sila si Cherry Andrin(27:45), Mary Joy Castor(28:15), Geneda Argueno(29:19), Engiel Estellore(31:23), Jessamin Hortelano(31:36), April Jan Uberas(31:55) ug Patricia Castillo (32:42).