Derrick Rose gipamulta'g $25T
CEBU, Philippines – Ang NBA mipahamtang og bug-at nga multa ngadto ni Detroit Pistons guard Derrick Rose gumikan sa paglabay niini og ballpen ngadto sa mga nanan-aw didto sa The Palace Arena sa Detroit.
Si Rose gipabayad sa liga og $25,000 (P1.25 million) gumikan sa dili makiangayon niyang binuhatan sa nahibilin nga 37 segundos atol sa 117-100 nilang kapildihan sud sa overtime batok sa New Orleans Pelicans niadtong Martes.
Ang insidente nahitabo sa dihang ang Detroit mitawag og time-out human sa basket sa New Orleans. Ang nasagmuyo nga Rose milakaw padulong sa ilang bench ug mihunong duol sa press table.
Sa kalit lang gikuha ni Rose ang usa ka ballpen dayong hapos niini sa pikas nga bahin sa korte.
Si Rose mihipos og 23 puntos ug walo ka assists sa maong duwa.
- Latest
