Nabong gilabay sa SMB ngadto sa NorthPort
CEBU, Philippines — Wala pa gani malibkas ang 'indefinite suspension' ni Fil-American bigman Kelly Nabong, apan gibuhian na siya sa San Miguel Beermen nga mi-trade kaniya ngadto sa NorthPort Batang Pier bugti ni Russel Escoto.
Si Nabong usa sa tulo ka mga SMB players nga gisuspenso sa PBA uban nila ni Arwind Santos ug Ronald Tubid sa miaging Commissioner's Cup. Gisilotan sila human nalambigit sa rambol atol sa ilang team practice.
Si Nabong nag-average og 4.1 points ug 4.0 rebounds karon nga season, apan masaligan siya sa depensa. Unang gipadayag sa kadagkoan sa SMB nga plano nila nga i-trade si Nabong. Lahi hinuon ang sa kaso ni Santos, kinsa maoy gitudlo nga nagpasiugda sa kagubot, tungod kay gitugtan na siya nga moapil sa team practice sa Beermen pangandam sa sunod season.
- Latest
