CEBU, Philippines – Nanganti si TNT KaTropa star Jayson Castro nga makuha nila ang daog sa Game-3 sa ilang 'best-of-five' semifinals series batok Meralco Bolts karong alas-7 sa gabii didto sa Smart Araneta Coliseum.
Midaog ang TNT sa Game-1, apan nabawsan sila sa Game-2 niadtong Martes sa iskor nga 94-114. Niadtong higayona si Castro igo lang mipugnit og siyete puntos.
Misaad si Castro nga tapakan ang bati niyang performance sa miaging duwa.
"It's a long series. Kailangan lang namin mag-adjust sa mga ginawa nila.Kailangan namin mag-bounce back sa next game," matud ni Castro sa PBA.com.
Dili lang usab si Castro ang kinahanglan nga mamawi karon tungod kay bugnaw sab sila si Troy Rosario ug RR Pogoy nga nagkumboya og nuybe puntos sa Game-2.
Gawas sa opensa, kinahanglan usab nga mahatagan og solusyon sa KaTropa ni coach Bong Ravena ang veteran import sa Meralco nga si Allen Durham.
Bangis kaayo si Durham sa miaging duwa diin mikadlit kini og 44 puntos ug 19 ka rebounds.