SWU Cobras, Cebu Niños sulong sa Tagoloan
Emmanuel B. Villaruel (Banat) - December 16, 2019 - 12:00am

CEBU, Philippines — Ang reigning Cebu Schools Athletic Foundation, Inc. (CESAFI) champion Southwestern University (SWU)-Phinma Cobras molabyog sa ilang Mindanao Tour didto sa lungsod sa Tagoloan sa Misamis Oriental alang sa  Tagoloan Open Invitational Basketball Tournament 2019 nga gikatakda karong Disiembre 17-21.

Ubos sa pagpangu sa Senegalese nilang import nga si Lamine Thiam ug mga kasaligang tirador nga sila si Sir Shaquille Imperial, Dyl Roncal, Red Cachuela ug William Polican, ang Cobras ning higayona nanghinaut nga makatagamtam na og kampiyonato nga midakin-as sa ilang mga kamot human sila miyukbo ngadto sa Pasig Sta. Lucia Realtors sa labing uwahing torneyo nga ilang giapilan didto sa Kiwabe, Bukidnon duha ka semana pa ang milabay.

Apan sa gihapon, ang Cobras magsagubang na sab og malisud nga misyon gumikan kay ilang banggaon mao man ang saksak sinagol sa kanhi ug aktibong mga players sa PBA, Maharlika Pilipinas Basketball League (MPBL), UAAP, NCAA ug CESAFI.

Ang labing dakong babag sa dalan sa Southwestern U ngadto sa kalamposan mao ang SJ-Cebu Niños ug KSB Glass Iligan. Ang Cebu Niños moparada og mga collegiate standouts sama nilang Joshua  Yerro, James Tempra, Justine Jake Rosete, Ivan Jay Maata, Roosevelt Jelianggao, Jonathan Gesalem, ug Tricky Dyn Peromingan samtang ang KSB Glass Iligan namongingi og hait nga mga commercial players nga naglangkob nilang Mark Yee, Jojo Tangkay, Giovanni Jalalon, Landry Sanjo, John Abad, Emmanuel Calo, Kevin Villafranca, Ferdinand Lusdoc ug Hafer Mondragon.

Ang lain pang lig-ong mga contenders ning lima ka adlaw nga aksiyon nga gipasiugdahan sa Tagoloan LGU ubos sa liderato ni Mayor Gomer A. Sabio mao ang Team Unity ug Parekoy Manila.

Ang Team Unity pagabidahan nilang ex-pro Carlos Sayon ug Gilbert Omolon ug ingon man ni rising collegiate star Mar Leandro Actub, samtang mangu sa Parekoy Manila mao sila si Ernesto Billones, Al Vergara, Julian Jhun Posada, Francis Claverol, Junard Caparida, ug Lester Reyes.

“Aside from providing our constituents with a highly entertaining basketball action, we are also holding this event as part of the extensive program of our local government that is ‘Yes to Sports, No to Drugs’. That is one of the reasons why we are opening this to the public for free,” dason pa ni Mayor Sabio.

Si Van Halen Parmis, nga maoy nagtabang ni Mayor Sabio pagpadagan sa mga proyekto kabahin sa paugnat sa kusog didto sa Tagoloan, nanghinaut nga pinaagi sa ilang kalihukan makadasig sila og daghang mga batan-on nga mosud og sports sa ingon makasigpat sila og mga talento sarang ilang bairon aron mamahimong usa ka dekalibreng atleta sa umaabot.

“That is really our goal, to scout for raw talents and help them reach their dreams. We at Tagoloan are treading that kind of path in terms of sports development up to the grassroots level,” kanayon pa ni Parmis.

Sa ling bahin, ang lima k teams moduwa og single round robin. Ang duha ka teams nga dunay labing nindot nga record human sa eliminasyon awtomatik nga maoy magbugno sa titulo.

Ang makampiyon mobulsa og P150,000, samtang ang mopahiluna sa ikaduha ngadto sa ikalimang dapit makadawat og P100,000, P75,000, P50,000, ug P30,000. (BANATNEWS)

SWU COBRAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with